Zaur oğlunun qalmaqala səbəb olan görüntülərindən danışdı

Aparıcı Zaur Kamal oğlu Bartunun şair Cığatel İsaqızına verdiyi sualların ədəbsizlik adlandırılmasına cavab verib. Zaur açıqlamasında Bartunu müdafiə etdi, narazılığın yersiz olduğunu söylədi. O qeyd edib ki, əslində narazılıq edən Cığatel xanım yox, məhz onun qızı Leyla Camal olub.

Aparıcı vurğuladı ki, sualları Bartu özü deyil, redaktorlar tərtib edir, oğul isə sadəcə onları oxuyur. Zaur bu sualların hər bir aparıcının verə biləcəyi adi suallar olduğunu bildirib. O, orada ədəbsiz və ya xətrə dəyən heç nə olmadığını deyir. Zaur Kamal narazılıq edən tərəfi tənqid edərək bildirdi ki, əgər Leyla xanım suallardan narazı idisə, efirdən çıxarılmasını tələb edə bilərdi, çünki veriliş 10 dəqiqə gecikmə ilə yayımlanır.

Zaurun fikrincə, Cığatel xanım elə düşünüb ki, onu sevməyən kimsə bu sualları onlara göndərib. O, şairə qarşı qıcıq yaradan sual olmadığını bildirib, 30 illik aparıcı kimi işlədiyini vurğulayıb. Zaurun sözlərinə görə, verilişdə sənətkarın xətrinə dəyəcək heç bir məqam yoxdur. O, şairin evi haqda və ya həyat yoldaşı haqda danışmağın normal olduğunu deyib, çünki şair bu məsələləri özü hər yerdə açıqlayıb.

Narazılığa səbəb olan suallardan biri də Cığatel İsaqızının kirayədə yaşaması ilə bağlı idi. Zaur bu mövzunun şairin xətrinə dəyməsini təəccüblə qarşılayıb. O bildirib: "Mən də 10 il kirayə qalmışam. Mən keçmişimlə fəxr edirəm, utanmıram və onu yaddan çıxartmıram." Zaur deyir ki, kirayədə qalmaq hər kəsin başına gələ biləcək adi haldır. O, oğlunun Cığatel İsaqızına ünvanladığı digər həssas sualları da normal hesab edir: Gənc yaşında həyat yoldaşını itirən Cığatel xanım ikinci dəfə ailə qurmaq barədə düşünüb? Nəvə itkisi yaşadı. O, heç yuxularınıza gəlib sizdən nəsə istəyirmi? Aparıcı bu cür sualların verilməsini tamamilə yerində sayır.