Qazidən əynindəki köynəyə görə təyyarədən enməsi TƏLƏB OLUNDU

ABŞ-ın Kaliforniya ştatında Ketrin Benks adlı qadın geyindiyi köynəyə görə mindiyi təyyarədən düşürülüb.

Hadisə San-Fransisko hava limanında baş verib. 22 il ABŞ Dəniz Piyadaları Korpusunda xidmət edən və xidməti ərzində yaralanam Banksın əynində olan köynəyin üzərində "İçinizdəki müharibəyə təslim olmayın. Qazilərin intiharlarına son qoyun" - yazısı olub. Bu, təyyarədəki səlahiyyətli şəxslər tərəfindən xoş qarşılanmayıb və qadından təyyarəni tərk etməsi tələb olunub.

Banks qazi olduğunu söyləsə də, onun etirazına baxılmayıb. Nəhayət, o, köynəyini dəyişdirməyə məcbur edilib və təyyarədə başqa bir oturacaqda səfərə çıxmağına icazə verilib.