ABŞ Suriyadakı qarşıdurmalara qarışmayacaq

Suriyada davam edən hökumət qüvvələri ilə müxaliflər arasındakı toqquşmalarla bağlı ABŞ Müdafiə Nazirliyindən (Pentagon) açıqlama verilib. Pentagon sözçüsü general-mayor Patrik Rayder bildirib ki, ABŞ vəziyyəti diqqətlə izləyir və bu toqquşmalara qarışmır.

Rayder mətbuat konfransında Suriyanın şimal-qərbindəki hadisələrə, "Heyət Tahrir əş-Şam" (HTŞ) əməliyyatlarına və Suriyanın rejiminə ABŞ-ın heç bir əlaqəsinin olmadığını vurğulayıb. O, bütün tərəfləri gərginliyi azaltmağa və azlıqların təhlükəsizliyini təmin etməyə çağırıb.

Suriyada Demokratik Qüvvələr (DQ) olaraq tanınan PKK/YPG-yə ABŞ-ın dəstək verməsi barədə sualı cavablandıran Rayder, ABŞ qüvvələrinin DQ ilə hərbi əməliyyatlarda iştirak etmədiyini söyləyib. O, ABŞ-ın Suriyada yalnız terror təşkilatı DEAŞ-la mübarizədə olduğunu və əməkdaşlığın yalnız bu çərçivədə olduğunu bildirib.

3 dekabrda Suriyanın şərqindəki ABŞ hərbi bazasına hücum nəticəsində 3 ABŞ əsgərinin travmatik beyin zədələnməsi aldığını deyən Rayder, təhdid altında olduqları halda öz qüvvələrini müdafiə etmək üçün lazımi tədbirlər görəcəklərini vurğulayıb. Hücumu kimin törətdiyinin araşdırıldığını bildirən Rayder, İran tərəfindən dəstəklənən milislərin və Suriyanın hökumət qüvvələrinin bu ərazidə fəaliyyət göstərdiyini qeyd edib.