Çində iş adamı korrupsiyaya görə edam edildi

29.01.2021 16:41 498 baxış sayı 2 dəq. oxuma

Çinin ən böyük dövlət maliyyə təsisatlarından olan "Harong Asset Management”in sabiq rəhbəri Lai Xiaomin bir sıra cinayətlərdə təqsirli bilinərək Tiancin Şəhər Məhkəməsinin qərarı ilə edam edilib.

Keçmiş iş adamına qarşı 1,8 milyard yuan (277 milyon ABŞ dolları) məbləğində vəsaiti talamaq və başqa korrupsiya əməlləri, habelə çoxevliliklə bağlı ittihamlar irəli sürülmüşdü.

Məhkumun hansı yolla edam edildiyi göstərilməsə də, edamdan əvvəl yaxınları ilə görüşünə icazə verildiyi bildirilir.

Barəsində hökm bu ay verilən Lai Xiaomin 2009-2018-ci illər ərzində 25 milyon yuandan artıq ictimai vəsaiti qəsb etməkdə, habelə bütövlükdə 1,7 milyard yuan məbləğində rüşvətxorluqda şübhəli bilinərək 2018-ci ilin aprel ayında istintaqa cəlb edilmiş və işindən, habelə partiya üzvlüyündən xaric edilmişdi.

"Amnesty İnternational” beynəlxalq hüquq müdafiə təşkilatına görə, ildə minlərlə müttəhimin edama məhkum edildiyi Çin bu baxımdan dünyada liderdir.

///Report

Leyla Həsənova

Siyasi şərhçi

Siyasi prosesləri analiz etmək mənim işimdir. Beynəlxalq münasibətlər fakültəsini bitirdikdən sonra jurnalistikaya keçdim. Regionda baş verənləri izlə...

Bütün məqalələrə baxın