Gürcüstanda tibbi maska taxmamağa görə cərimələr təsdiqləndi

12.06.2020 09:27 642 baxış sayı 2 dəq. oxuma

Koronavirus

Gürcüstan parlamenti üçüncü oxunuşda tibbi maska taxmamağa görə cərimələrin nəzərdə tutulduğu qanun layihəsini qəbul edib.

73 deputat sənədin lehinə səs verib.

Qanun təsdiqlənməsi üçün ölkə prezidenti Salome Zurabişviliyə təqdim olunacaq.

Qərara əsasən, qapalı ictimai yerlərdə tibbi maska istifadə etməyən fiziki şəxslər 20 lari cərimə olunacaq. İnsanların tibbi maskasız bu məkanlara daxil olmasına nəzarət etməyən hüquqi şəxslərə qarşı isə 500 lari məbləğində cərimə tətbiq ediləcək.

İctimai nəqliyyat, metro və taksidə qoruyucu tibbi ləvazimatdan istifadə qaydalarını pozanlara 20 lari cərimə yazılacaq.

Sağlamlıq vəziyyətinə görə tibbi maska taxa bilməyənlər müvafiq arayış alacaqlar və onlar cərimələnməyəcəklər.

Orxan Rzayev

Ekologiya müxbiri

Ekologiya və ətraf mühit mövzularında yazıram. İqlim dəyişikliyi və yaşıl enerji mənim prioritet mövzularımdır.

Bütün məqalələrə baxın