İndoneziyada Qorxunc Linç: Əlil Qadına Təcavüz Edən Adamın Cinsi Orqanını Kəsdilər

İndoneziyanın Qova bölgəsində dəhşətli kütləvi qətl (linç) hadisəsi baş verib. 47 yaşlı Əli adlı şəxs, əlil bir qadına təcavüz etməkdə ittiham edilərək qəzəbli kütlə tərəfindən tutulub və öldürülüb. Hadisə zamanı Əlinin çox ağır döyüldüyü, cinsi orqanının kəsildiyi və cəsədinin küçələrdə sürükləndiyi bildirilir. Bu dəhşətli olay bölgədə böyük ictimai gərginliyə və reaksiyaya səbəb olub.

Cinayət 30 Noyabr tarixində baş verib. Yalnız "T" kimi təqdim edilən əlil qadın ağır yaralı və şok vəziyyətində tapıldıqdan sonra bölgə əhalisi arasında böyük bir qəzəb yaranıb. İddialara görə, hücumu törədən Əli, kəndlilərin ona qarşı yönələn reaksiyasından qaçmaq üçün əvvəlcə bir qohumunun evinə sığınıb, sonra isə meşədə gizlənib. Lakin Əli 3 dekabrda yemək axtarmaq üçün meşədən çıxarkən tanınıb və qısa müddətdə kütlə tərəfindən yaxalanıb. Kəndlilər deyirlər ki, kütlənin bu qədər qəzəblənməsi təkcə bu hücuma görə deyil, həm də Əlinin uzun müddətdir oğurluq etməsi və bölgəni narahat etməsi ilə bağlı idi.

Yayılan görüntülər linç hadisəsinin nə qədər amansız olduğunu göstərir. Videolarda Əlinin əlləri və ayaqları bağlanmış halda çubuq, daş və palalarla döyüldüyü görünür. Kütlə daha sonra onun cinsi orqanını kəsib. Ardınca cəsədi taxta dirəklərə bağlayaraq kənd küçələrində gəzdiriblər. Hətta axşam saatlarında bir qrup motosikletli həmin cəsədi yol boyunca sürükləyib. Bu zaman qəzəbli kütlə alqış səsləri çıxarır və bütün baş verənləri telefonları ilə qeydə alırdı.

Qova Polis İdarəsinin rəisi Məhəmməd Aldy Sulaeman hadisə yerinə qrupların göndərildiyini və bölgəyə nəzarətin təmin edildiyini açıqlayıb. Sulaeman qeyd edib ki, “Biz bu zorakılıq görüntülərindən xəbərdarıq. Bölgədəki vəziyyəti sabitləşdirdik və istintaqımız davam edir. İlkin məlumatlar linç edilən şəxsin təcavüzdə günahlandırıldığını göstərir, lakin hadisələrin tam olaraq necə cərəyan etdiyini araşdırırıq”. Polis məhkəmə-tibb ekspertləri, kriminal büro, kəşfiyyat və yerli polislə birlikdə genişmiqyaslı araşdırmaya başlayıb. Polis eyni zamanda, linçdə iştirak edən şəxslərin kimliklərini müəyyən etmək üçün cəhdlər göstərir.

Kənd sakinləri arasında olan Enal adlı bir nəfər Əlinin bölgədə uzun müddətdir problem yaradan bir fiqur olduğunu irəli sürüb. O deyib: "İnsanlar əlil qadına etdiyi əməllərə görə Əlini axtarırdılar. O, qohumunun evində, sonra isə meşədə gizlənmişdi. Tutulanda isə cinsi orqanı kəsildi. O, həmişə oğurluq edirdi. Son dəfə qonşunun noutbukunu oğurlamışdı. Bu kənddə onu özləyəcək heç kim yoxdur." Rəsmilər hadisənin miqyası nəzərə alınaraq istintaqın ciddi şəkildə davam etdiyini bildiriblər.