İtaliya, İsraili darmadağın etdi! Onlar Dünya Çempionatına gedə bilmirlər

2026-cı il Dünya Çempionatının (DÇ) Seçmə Mərhələsi I Qrupunun 8-ci tur matçında İtaliya və İsrail üz-üzə gəliblər. Bluenergy Stadionunda keçirilən oyunda İtaliya, rəqibini 3:0 hesabı ilə darmadağın etdi.

İTALIYA QƏLƏBƏNİ ÜÇ QOLLA RƏSMİLƏŞDİRDİ

İtaliyaya qələbə gətirən qolları 45+2 və 74-cü dəqiqələrdə Mateo Reteqi, 90+3-də isə Canluka Mançini (Gianluca Mancini) vurdu. Beləliklə, meydan sahibləri vacib üç xalı qazandılar.

İSRAİLİN DÜNYA ÇEMPİONATI ARZULARI PUÇA ÇIXDI

Bu nəticə ilə İtaliya xal ehtiyatını 15-ə çatdıraraq qrupda ikinci yerini qorudu. İsrail isə 9 xalda qalaraq üçüncü pillədə möhkəmləndi və bununla da ən böyük futbol turnirinə qatılmaq ümidlərinə vida etdi.

Qrupun növbəti oyununda İtaliya səfərdə Moldova ilə qarşılaşacaq. İsrail isə gələn həftəni matçsız keçirdikdən sonra son turda öz meydanında Moldova ilə mübarizə aparacaq.