İtaliya Belçikaya qalib gələ bilmədi, Fransa isə İsraili məğlub etdi
UEFA Millətlər Liqasının üçüncü turunda İtaliya və Belçika milliləri arasında keçirilən qarşılaşmada dramatik anlar yaşandı.
Romada "Stadio Olimpico" stadionunda keçirilən oyunda 4 qol vuruldu. İtaliya 2 qol fərqi ilə üstün olsa da, qırmızı vərəqə aldı. Pelleqrini 40-cı dəqiqədə meydandan qovuldu. Belçika isə iki qol vuraraq hesabı bərabərləşdirdi. Qrupun digər oyununda İsrail Fransa ilə üz-üzə gəldi və 1-4 hesabı ilə məğlub oldu.
3 turdan sonra İtaliya 7 xal ilə qrup lideri, Fransa 6 xal ilə ikinci yerdədir. Belçika 4 xal ilə üçüncü, İsrail isə heç xal toplaya bilməyərək sonuncu yerdə qalır.
