"Liverpul" Ulduzu "Real"ın Marağına Qarşı Nə Deyib?

“Real Madrid”in marağına düşdüyü deyilən “Liverpul” ulduzu Trent Alexander-Arnold transfer şayiələri haqqında danışıb.

Futbolçunun müqaviləsi 2025-ci ildə başa çatır. Jurnalistlərə açıqlama verən müdafiəçi deyib: "Düzünü desəm, ən əsas kuboklardır. Mən kuboklar qazanmaq istəyirəm. Uğur qazanmaq və elit olmaq üçün çox həvəsliyəm. Bu, hər şeydə əsas amildir”.

Trent Alexander-Arnold, hazırda "Liverpul"un futbolçusu olduğunu vurğulayıb və müqaviləsini uzadıb-uzatmayacağı haqqında danışmayıb. İddialara görə, Alexander-Arnold "Liverpul"a xəbərdarlıq edib ki, kuboklar qazanmaq arzusu karyerası haqqında qərarında əsas amil olacaq.