Arda etirazla qarşılandı

UEFA Çempionlar Liqası çərçivəsində keçirilən “Liverpul” - “Real Madrid” matçı zamanı qonaq komandanın iki futbolçusu meydanda azarkeş etirazları ilə qarşılaşdı. Tərəflərin hədəfi klubdan ayrılaraq “Real Madrid”ə transfer olan Trent Aleksandr-Arnold idi. Amma azarkeşlərin sərt reaksiyası ilə üzləşən digər oyunçu Türkiyənin gənc ulduzu Arda Güler oldu.

İddialara görə, Arda Gülerə qarşı yönələn bu reaksiya “Liverpul”un ulduz macar futbolçusu Dominik Şoboslai ilə əvvəllər yaşanan gərginlikdən qaynaqlanıb. Bildirilir ki, Türkiyə və Macarıstan milli komandaları arasında keçirilən matç zamanı Arda Güler və Şoboslai arasında ciddi mübahisə yaranıb. Hətta bu iki oyunçu matç ərzində açıq şəkildə mübahisə ediblər.

Bu gərginlik oyun bitdikdən sonra da davam etdi, sosial mediada paylaşımlar vasitəsilə özünü göstərdi. Görünür, məhz bu tarixi münaqişə Arda Gülerin İngiltərədəki azarkeşlər tərəfindən neqativ qarşılanmasına səbəb oldu. Matça gəlincə, “Liverpul” və “Real Madrid” arasındakı qarşılaşma 1-0 hesabı ilə yekunlaşdı.