MİDA Yeni Yaşayış Komplekslərində Mənzillərin Satışını Elan Edıb

Mənzil İnşaatı Dövlət Agentliyi (MİDA) Sumqayıt və Lənkəran şəhərlərində inşa olunan yaşayış komplekslərində mənzillərin satışa çıxarılacağını elan edib.

Agentlikdən verilən məlumata görə, güzəştli mənzillərin satışına dair elan prosesə başlamazdan ən azı 30 gün əvvəl veriləcək.

Bu barədə vətəndaşlar media vasitəsilə, Agentliyin internet səhifəsi və sosial şəbəkə hesabları vasitəsilə məlumatlandırılacaqlar.

Vətəndaşlar həmçinin "Güzəştli mənzil" sistemindəki elektron kabinetlərə bildirişlər alacaq, həmçinin elektron poçt və SMS vasitəsilə məlumatlandırılacaqlar.

Sumqayıt Yaşayış Kompleksi Mehdi Hüseynzadə adına şəhər stadionunun şimal-şərqində, 2 hektar ərazidə yerləşir. Kompleks 6 doqquzmərtəbəli, 4 onikimərtəbəli və 1 onbeşmərtəbəli olmaqla 11 binadan ibarətdir.

Binalarda ümumilikdə 461 mənzil var. Mənzillərdən 13-ü studio tipli, 113-ü ikiotaqlı, 279-u üçotaqlı və 56-sı dördotaqlıdır.

Mənzillərin sahəsi belədir:

- Studio tipli mənzillər: 50.03 kv.m

- İkiotaqlı mənzillər: 59.17 - 61.00 kv.m

- Üçotaqlı mənzillər: 78.10 - 82.13 kv.m

- Dördotaqlı mənzillər: 105.6 - 109.4 kv.m

Kompleksdə yaşayış binaları ilə yanaşı sosial-məişət obyektləri, uşaq oyun meydançaları və 80 yerlik bir uşaq bağçasının inşası nəzərdə tutulur.

Lənkəran Yaşayış Kompleksi isə Akademik Zərifə Əliyeva küçəsi, 303 ünvanında, 1,5 hektar ərazidə yerləşir.

Kompleks 5 doqquzmərtəbəli binadan ibarətdir. Binalarda ümumilikdə 240 mənzil var.

Onlardan 32-si studio tipli, 36-sı ikiotaqlı, 104-ü üçotaqlı, 68-i dördotaqlıdır.

Mənzillərin sahəsi belədir:

- Studio tipli mənzillər: 40.1 kv.m

- İkiotaqlı mənzillər: 57.68 - 57.70 kv.m

- Üçotaqlı mənzillər: 72.82 - 76.74 kv.m

- Dördotaqlı mənzillər: 98.7 - 114.61 kv.m