Netanyahuya qarşı Beynəlxalq Cinayət Məhkəməsinin qərarı: 124 ölkəyə çağırış

Beynəlxalq Cinayət Məhkəməsi (BCM) 8 oktyabr 2023-cü ildən etibarən Qəzzədə törədilən müharibə cinayətləri və insanlığa qarşı cinayətlərə görə İsrail Baş naziri Benyamin Netanyahu və keçmiş Müdafiə naziri Yoav Gallant barədə həbs qərarı verib. BCM Baş prokuroru Karim Əsəd Əhməd Xan qəraardan sonra bütün üzv ölkələrə vacib bir çağırış edib.

Xan 124 üzv ölkəyə müraciətində bildirib ki, Roma Statutuna sadiq qalaraq bu qərarı qəbul etməli və yerinə yetirməlidirlər. BCM-nin üzvü olmayan ölkələrə isə beynəlxalq hüququn qorunması üçün əməkdaşlığa çağırıb.

Qəzzədəki vəziyyətlə bağlı araşdırmaların davam etdiyini və qrupunun Qəzzə, Qərbi Şəriyyə və Şərqi Qüds də daxil olmaqla əlavə araşdırma sahələrini araşdırdığını vurğulayan Xan deyib ki, Qəzzə və Qərbi Şəriyyədəki şiddətin artması, insanlara köməyin daha da məhdudlaşdırılması və beynəlxalq cinayət ittihamlarının artması barədə ciddi narahatlıq keçirir.

Netanyahu və Gallant barədə verilən həbs qərarlarının prokurorluğun təqdim etdiyi dəlillərə əsaslandığını vurğulayan Xan bildirib ki, BCM hakimləri Netanyahu və Gallantın müharibə cinayətlərində və aclığı müharibə üsulu kimi istifadə etmək daxil olmaqla, qətl, işgəncə və digər insanlığa qarşı cinayətlərdə günahlı olduğuna inanmaq üçün kifayət qədər əsaslar tapıblar.

Qanunların hər kəs üçün bərabər olduğunu vurğulayan Xan, həbs qərarlarının yoxlanıla bilən və qərəzsiz dəlillərə əsaslanan müstəqil araşdırmadan sonra verildiyinə diqqət çəkib. O, Roma Statutunun tərəfdarları olan bütün dövlətləri öhdəliklərini yerinə yetirməyə və məhkəmə qərarlarına əməl etməyə çağırıb. Tərəf olmayan dövlətlərin isə əməkdaşlıq göstərmələrini və beynəlxalq hüquqa və məsuliyyət daşıyanların cavabdehliyə cəlb olunmasına dəstək olmalarını gözləyir.

BCM-nin qərarının açıqlanmasından sonra Avropa İttifaqı (Aİ) Xarici Əlaqələr və Təhlükəsizlik Siyasəti Ali Nümayəndəsi Josep Borrell də qərarın bağlayıcı olduğunu vurğulayaraq Aİ üzvü ölkələr də daxil olmaqla, məhkəmənin bütün üzv ölkələrinin qərarı tətbiq etməli olduğunu bildirib.