
Rabitə Nazirliyindən mobil operatorlarına MÜRACİƏT

Nəqliyyat, Rabitə və Yüksək Texnologiyalar Nazirliyi Səhiyyə Nazirliyinin müraciəti əsasında koronavirus infeksiyası (COVID-19) ilə mübarizə aparan səhiyyə işçilərinə dəstək məqsədilə müəyyən güzəştlərin tətbiq olunması ilə əlaqədar mobil rabitə operatorlarına müraciət edib.
Bu barədə Nazirliyə istinadən xəbər verir.
Respublikanın fəaliyyət göstərən mobil operatorları “Azercell Telekom” MMC, “Azerfon” MMC (Nar) və “Bakcell” MMC nazirliyin dəstək çağırışına qoşulub.
Belə ki, adıçəkilən şirkətlər artıq bu istiqamətdə yeni sosial məsuliyyət tədbirinə start verib. Müvafiq mobil operatorlar “COVID-19”la mübarizədə xalqımızın sağlamlığının keşiyində dayanan 1 200-ə yaxın tibb işçisinin mobil nömrəsinə 3 ay ərzində hər ay hədiyyə balans yükləyəcək.
Hədiyyə olunan məbləğ müasir mobil rabitənin təmin etdiyi bütün xidmətlər (şəbəkədaxili/şəbəkəxarici/ölkəxarici zənglər, SMS, mobil internet) üçün istifadə oluna bilər. Adıçəkilən mobil operatorlar dünyada və ölkəmizdə hökm sürən pandemiya şəraitində bundan öncə də həkimlərimizə öz dəstəyini göstərib.
Həkimlərin siyahısı Nəqliyyat, Rabitə və Yüksək Texnologiyalar Nazirliyinə Səhiyyə Nazirliyi tərəfindən təqdim edilib.
Qeyd edək ki, Nəqliyyat, Rabitə və Yüksək Texnologiyalar Nazirliyi bundan sonra da bu tip sosial aksiyaların keçirilməsində istənilən çağırışa və müraciətə dəstək göstərəcək.
Oxşar xəbərlər

1200 tibb işçisinə 3 ay hədiyyə balans yüklənəcək...
Son Xeberler

Xüsusi karantin günlərində telefon və internetlə b...
Son Xeberler

Apple Mac-lərdə Mobil İnternet İmkanı Gətirə Bilər
Texnologiya xəbərləri

Qarabağda ilk mobil rabitə!
Son Xeberler

Nazirlik xəbərdarlıq etdi: Düşmənin növbəti təhlük...
Son Xeberler

Starlink Telefonlar Üçün Beta Sınağını Başladı!
Texnologiya xəbərləri