Sabah bəzi rayonlarda qar yağacaq

Oktyabrın ilk günündə Bakıda və Abşeron yarımadasında hava şəraiti dəyişkən buludlu olacaq.

Milli Hidrometeorologiya Xidmətinin məlumatına görə, əsasən yağmursuz olacaq, lakin gecə bəzi şəhərətrafı ərazilərdə qısamüddətli yağış yağacağı ehtimalı var.

Gecə 11-16° isti, gündüz 23-26° isti olacaq.

Azərbaycanın rayonlarında hava şəraiti əsasən yağmursuz keçəcək, lakin gündüz əsasən dağlıq və dağətəyi rayonlarda fasilələrlə yağış yağacağı gözlənilir. Ayrı-ayrı yerlərdə qısamüddətli leysan xarakterli olacağı, dolu düşəcəyi, yüksək dağlıq ərazilərdə qar yağacağı ehtimalı var.

Gecə və səhər bəzi yerlərdə arabir duman olacaq. Havanın temperaturu gecə 9-14° isti, gündüz 22-27° isti, dağlarda gecə 3-8° isti, gündüz 10-15° isti olacaq.