Telefonun Cavablandırılmaması Taksicinin Qəhrəmanlıq Ölümünə Səbəb Olub

TUSAŞ-a qarşı törədilən qanlı teraktın araşdırması təəccüblü məqamları ortaya çıxardı. Taksici Murat Arslanın faciəli şəkildə həyatını itirməsi təsadüf nəticəsində baş verib.

T24-ün xəbərinə görə, terrorçuların Murat Arslanı terror hücumunda seçməsi bir telefon zəngi ilə bağlı olub. Araşdırmalar göstərir ki, hücumdan bir gün əvvəl iki terrorçu TUSAŞ-ın G1 qapısına gəlib kəşfiyyat aparıb. Həmin gün onlar taksi durağına gəlib, çantaları olmadan G1 qapısına gedib geri qayıdıblar. Terrorçular həmin taksici ilə əlaqə saxlamaq üçün telefon nömrəsini yazıblar.

Hücum günü terrorçular ilk taksiciyə zəng ediblər, lakin telefon cavablandırılmayıb. Çarəsiz qalan terrorçular yolun o biri tərəfinə keçib növbəti taksi olan Murat Arslanın avtomobilinə miniblər. Arslan o gün heç nədən xəbərsiz iki sərnişini maşına mindirib. Terrorçular yolda Arslanı öldürüb və özləri ilə gətirdikləri silahlarla TUSAŞ-a hücum ediblər. Murat Arslan, qardaşı ilə birlikdə taksiçilik edərək ailəsini dolandırırdı. O gün həmkarının telefonunu açmaması, bu faciəli hadisəyə səbəb oldu və Arslan tarixin ən dəhşətli terror hadisələrindən birinin qurbanı oldu.