Xaçmazda ata və oğul qəzaya düşdü, ölən var
Xaçmazda ölümlə nəticələnən yol qəzası baş verib.
Bu barədə Daxili İşlər Nazirliyinin (DİN) Mətbuat Xidmətindən məlumat verilib.
Belə ki, iyunun 18-də saat 18 radələrində Xaçmaz rayonunun Pirquluoba kəndi ərazisində kənd sakini A.Qadaşovun idarə etdiyi “Mercedes” və Qoçaqlı kənd sakini A.Nurəhmədovun idarə etdiyi “VAZ-2106” markalı avtomobillər toqquşub.
Nəticədə A.Nurəhmədov və sərnişini olan atası Şahvələd xəstəxanaya yerləşdirilib. Ş.Nurəhmədov orada ölüb.
Xaçmaz Rayon Polis Şöbəsi tərəfindən araşdırma aparılır.
