Fallout serialının ikinci mövsümü yolda!

Amazon Prime Video tərəfindən istehsal olunan Fallout serialının ikinci mövsümünün çəkilişləri başa çatıb. Şirkət, çəkilişlərin bitdiyini elan etmək üçün kuluarlardan bir video paylaşdı. Bu elanla serialın istehsal prosesində önəmli bir mərhələ daha geridə qaldı.

Keçən il tamaşaçı ilə görüşən Fallout serialının birinci mövsümü, həm tənqidçilər, həm də izləyicilər tərəfindən müsbət qarşılandı. Oyun dünyasında böyük təsir bağışlayan serialın televiziya adaptasiyası, yayımlandığı müddət ərzində yüksək reytinqlər əldə edərək Amazonun ən çox izlənilən ikinci serialı oldu.

Birinci mövsümə olan maraqdan sonra ikinci mövsümün hazırlıqlarına da qısa müddət ərzində başlanıldı. Yeni mövsümün çəkilişləri başa çatmasına baxmayaraq, serialın yayım tarixi hələ də müəyyən olunmayıb. Falloutun geniş vizual effektlər və ətraflı dekorasiya tələb edən quruluşuna görə post-prodakşın prosesinin aylar çəkəcəyi bildirilir. Buna görə də serialın nə zaman tamaşaçı ilə görüşəcəyi hələ ki, məlum deyil. Bəzi mənbələr serialın 2026-cı ilin əvvəllərində yayımlana biləcəyini bildirsə də, bu tarix rəsmi şəkildə təsdiq olunmayıb.

Əvvəllər "Westworld" serialı ilə tanınan Jonathan Nolan və Lisa Joy tərəfindən istehsal olunan Fallout serialı, tıpkı oyunlardakı kimi, yeraltı sığınacaq olan Vault-da başlayır. Baş qəhrəman Lucy rolunu canlandıran Ella Purnell, bu sığınacaqdan xarici dünyaya addım atdıqda post-apokaliptik bir atmosferlə üz-üzə qalır. Bəs siz bu istehsala necə yanaşırsınız? Fikirlərinizi bizimlə bölüşə bilərsiniz.