"Sonumuz" serialının 3-cü mövsümü gözlənilməz sürprizlər vəd edir!

Çox müzakirələrə səbəb olan "Sonumuz" serialının ikinci mövsümü bu həftə rəsmi olaraq yekunlaşır, amma üçüncü mövsümün hazırlıq işləri artıq başlayıb. Serialın üçüncü mövsümü tamaşaçıları heyrətləndirəcək!

2-ci mövsümdə psixoloq Qeyl obrazını canlandıran istedadlı aktrisa Ketrin O’Hara yeni mövsümdə çəkilişlərdə iştirak etməyəcəyini açıqlayıb və 3-cü mövsümün "Ebbi mövsümü" olacağını bildirib. Bu açıqlama, yeni mövsümdə Abbı obrazının hekayədə daha mərkəzi yer tutacağını göstərir.

Kino aləmində ulduzu parlayan Keytlin Deverin Abbı roluna seçilməsi də Abbının 3-cü mövsümdə mühüm rol oynayacağına işarədir. Əvvəlki mövsümlərdə hekayə əsasən Elli obrazı ətrafında qurulmuşdu. Lakin yeni məlumatlar, hadisələrin bu dəfə Abbının gözü ilə izləniləcəyini göstərir. Bu da tamaşaçılara fərqli bir baxış bucağı və hekayənin yeni təfərrüatlarını təqdim edəcək.

Eyniadlı oyun seriyasından ekranlaşdırılan "Sonumuz", birinci mövsümü ilə böyük marağa səbəb olmuşdu. İkinci mövsüm isə daha mübahisəli epizodlarla gündəmə gəldi. Üçüncü mövsümün "Ebbi mövsümü" adlandırılması, serialın hekayə anlatımında yeni bir mərhələyə qədəm qoyacağını göstərir. Bu inkişaf, oyunda mühüm personajlardan olan Abbının televiziya serialında daha ətraflı və dərin şəkildə işlənəcəyini göstərir. Ancaq serialın üçüncü mövsümü ilə bağlı indilik çox məlumat yoxdur.