Lenovo Öz Prosessorunu İnkişaf Etdirir

Çin texnologiya şirkətləri arasında yerli çiplərin istehsalına artan marağa qoşulan Lenovo, öz prosessorunu hazırlamağa başlayıb. "SS1101" kod adlı yeni Arm-əsaslı prosessor ilk dəfə Yoga Pad Pro 14.5 planşetində istifadə olunacaq.

Sızdırılmış məlumata görə, SS1101 ümumilikdə 10 nüvəli bir arxitekturaya malikdir (2+2+3+3 quruluşunda). Prosessorun Arm-ın hazır Cortex dizaynlarından istifadə etdiyi bildirilir. TSMC-nin 5nm litoqrafiyası ilə istehsal olunduğu və 3.29 GHz tezliyə qədər çıxa biləcəyi deyilir. Qrafik tərəfdən isə SS1101, Mali G720 Immortalis GPU ilə təchiz edilib. Bu GPU, əvvəllər MediaTek Dimensity 9300 modelində də yer alan hardware əsaslı şüa izləməsini təklif edir.

Nüvələrin sayı ilə bağlı müəyyən qeyri-müəyyənliklər mövcuddur. Bəzi istifadəçilər prosessorun əslində 8 nüvəli olduğunu, lakin hyper-threadingə bənzər bir sistem sayəsində proqram tərəfindən 10 nüvəli kimi qəbul edildiyini iddia edir. Lenovo hələ ki, SS1101 prosessoru barədə rəsmi açıqlama verməyib. Bu prosessorun yalnız Yoga Pad Pro üçün hazırlanmış tək bir çip olub-olmadığı və ya şirkətin uzunmüddətli çip inkişaf strategiyasının ilk addımı olub-olmadığı da aydın deyil. Ancaq prosessor haqqındakı detallar Lenovo-nun hardware inkişafı baxımından daha iddialı bir mövqeyə keçməyə hazırlaşdığını göstərir.

Panasonic isə 10.000 işçisini işdən azad edir. Bu qərar texnologiya sektorunda təəccüb doğurub.