Nintendo Switch-də iOS! Nəticə gözlənilməz oldu

Düşünə bilməzdiniz! Bir qrup həvəskar proqramçı, Nintendo Switch oyun konsolunda iOS əməliyyat sistemini işlətməyi bacarıb. İki gün davam edən bu maraqlı, amma çətin eksperiment, texniki imkanların həddini göstərdi.

QEMU emulatorundan istifadə edərək virtual mühitdə quraşdırılan iOS, "dünyanın ən yavaş iPhone"una çevrildi. Sistemin yüklənməsi 20 dəqiqə çəkir, istənilən proqramın işə salınması isə sistemin "kernel panic" səhv mesajı ilə bağlanmasına səbəb olur. Əslində, işləyən bir sistem əvəzinə, daha çox texniki nümayişə şahid olduq.

Bu, iOS-un Apple cihazlarından kənarda işləmək qabiliyyətinin məhdudluğunu bir daha göstərdi. Hətta qrafik interfeys də lazımı səviyyədə işləmirdi. Konsolun gələcəkdə Switch 2-də sınaqdan keçiriləcəyi və ya yeni QEMU versiyaları ilə təkrar olunacağı hələ məlum deyil. Həmçinin, bu cür əməliyyatların konsolun hardware-inə qalıcı zərər verə biləcəyi də qeyd olunmalıdır.

Amma bir şeyi inkar etmək olmaz: bu cür cəhdlər texnologiyanın imkanlarını və istifadəçi birliyinin yaradıcılığını əyani şəkildə nümayiş etdirir. Maraqlıdır, sizcə bu necə bir nailiyyətdir?