OPPO A5 5G: 6000 mAh Batareya və 120 Hz Ekranla Gəldi!

Cəmi 180 dollar qiymətə satışa çıxarılan yeni OPPO A5 5G modeli, qiymət baxımından A5x və A5 Pro arasında yer alır. Gündəlik istifadə üçün əla performans və möhkəm quruluşu ilə seçilir.

OPPO A5 5G nələr təklif edir? Toz və suya qarşı mühafizə üçün IP65 reytinqinə malik olan telefon, həmçinin MIL-STD-810H hərbi standartlarına cavab verir. SGS Qızıl davamlılıq sertifikatına sahib olan cihaz, möhkəmləndirilmiş portlar, suya davamlı qoruyucular və standart şüşədən 160% daha möhkəm olan ikiqat temperli şüşə ilə təchiz olunub. Gorilla Glass 7i və möhkəm ərinti çərçivə zərbələrə, cızıqlara və sərt şəraitə qarşı müqavimət təmin edir.

6.67 düymlük LCD ekranı 1604 x 720 piksel çözünürlük, 120Hz yeniləmə tezliyi, 264 ppi piksel sıxlığı və HBM rejimində 1000 nit pik parlaqlığı ilə fərqlənir. Təhlükəsizlik üçün yan tərəfdə barmaq izi skineri mövcuddur. Proqram tərəfindən isə Android 15 əsaslı ColorOS 15 ilə işləyir.

MediaTek Dimensity 6300 prosessoru ilə işləyən OPPO A5 5G, 6 GB və ya 8 GB LPDDR4X RAM və microSD kart dəstəyi ilə 128 GB UFS 2.2 yaddaş təklif edir. 6000 mAh batareyası 45W sürətli şarj dəstəkləyir.

Kamera bölməsində 50 MP əsas sensor və 2 MP monoxrom sensorlu arxa kamera qurğusu, ön tərəfdə isə 8 MP özəl kamera yer alır. Digər əhəmiyyətli xüsusiyyətlərə 5G dəstəyi, Wi-Fi 5, Bluetooth 5.4 və USB-C portu daxildir.