Oracle şirkəti Nvidia çiplərinə milyardlarla dollar yatırım edir!

ABŞ-ın Texas ştatında inşa ediləcək nəhəng məlumat mərkəzi üçün Oracle şirkəti Nvidia-nın ən yüksək performanslı süni intellekt çiplərini alır. Bu mərkəz, qlobal Stargate layihəsinin də əsas qərargahı olacaq.

Oracle, Nvidia çiplərinə 40 milyard dollar yatırım edir. Texasda inşa ediləcək yeni obyekt 875 akr ərazidə 8 ayrı binadan ibarət olacaq. Tam gücü ilə işləyəndə mərkəz 1,2 qiqavat enerji sərf edəcək. Təxminən 400.000 Nvidia GB200 Superçipdən istifadə olunacaq.

Tamamlandıqdan sonra obyekt 15 il müddətinə OpenAI şirkətinə kirayə veriləcək və modellərin təlimi və tətbiqi üçün əsas infrastruktur təmin edəcək. Bu mərkəz sayəsində OpenAI-nin Microsoft şirkətinə bağlılığı əhəmiyyətli dərəcədə azalması gözlənilir.

Oracle-ın genişmiqyaslı investisiyasına əlavə olaraq, Stargate layihəsinin maliyyələşdirilməsi beynəlxalq səviyyədə də həyata keçirilir. Crusoe Energy Systems və Blue Owl Capital layihəyə ümumilikdə 15 milyard dollarlıq borc və səhm investisiyası qoyub. JPMorgan isə 9,6 milyard dollarlıq kredit paketi təklif edib.

Stargate layihəsi yalnız Texasla məhdudlaşmır. Layihə çərçivəsində Avropa və Asiyada da oxşar süni intellekt kampuslarının yaradılması planlaşdırılır. İlk əhəmiyyətli beynəlxalq genişlənmə Birləşmiş Ərəb Əmirliklərində baş tutacaq. G42 ilə tərəfdaşlıq əsasında Əbu-Dabi şəhərində inşa ediləcək süni intellekt kampusu, Texasdakı obyektdən dörd dəfə çox enerji sərf etməyi hədəfləyir. Ümumilikdə 5 qiqavat enerji sərf edəcək mərkəzdə iki milyon Nvidia superçipi olacaq.