Quyruğu olan planet aşkar edildi!

Astronomlar kosmosun dərinliklərindən heyrətamiz bir kəşf ediblər: Nəhəng qaz planetinin ulduzunun güclü şüalanması sayəsində quyruğu olan bir kometaya bənzədiyini aşkarlayıblar. WASP-69b adlanan bu maraqlı planet, ulduza yaxınlığı səbəbindən atmosferini itirir və kosmosa yayılan bir quyruq əmələ gətirir.

Havaydakı KECK Rəsədxanasında aparılan müşahidələr nəticəsində aşkarlanan bu maraqlı hadisədə planetin quyruğunun 580 min kilometr uzunluğunda olduğu müəyyən edilib – bu, Yer ilə Ay arasındakı məsafənin bir yarım dəfəsinə bərabərdir. Lakin alimlər müşahidə müddətində quyruğun sonunu görə bilmədikləri üçün bunun daha da uzun ola biləcəyini düşünürlər.

Bu quruluşun əmələ gəlməsi ulduzun intensiv şüalanmasının planetin atmosferini "qaynatması" və kosmosa itələməsi ilə mümkün olur. Tədqiqatın baş müəllifi Dakotah Tyler kəşfi belə izah edir: "Əvvəlki araşdırmalar nazik bir quyruğun və ya heç bir quyruğun olmadığını göstərirdi. Ancaq indi bu quruluşu dəqiq müəyyənləşdirdik və onun planetin özündən ən azı yeddi dəfə uzun olduğunu göstərdik."

Daha maraqlısı odur ki, alimlər müşahidə müddətində quyruğun sonunu görə bilməyiblər və quyruğun daha da uzana biləcəyi düşünülür. Bu zaman kometa hər saniyə təxminən 200.000 ton qaz (hidrogen və helium) itirir. Lakin, məlumatlara görə, bu itki WASP-69b-nin nəhəng kütləsinə nisbətən əhəmiyyətsizdir. Planetin kütləsi Yer kürəsinin kütləsindən 90 dəfə çoxdur və bu günə qədər yalnız iki Yer kütləsi qaz itirib. Bu səbəbdən planetin ömrü boyu mövcud olacağı deyilir.

Tədqiqatçılara görə, bu kəşf "isti Yupiterlər" kimi tanınan böyük qaz nəhəng planetlərin dinamikasını başa düşmək üçün yeni bir pəncərə açmışdır. NASA tərəfindən dəstəklənən və "The Astrophysical Journal"da dərc olunan tədqiqat əhəmiyyətli bir elmi nailiyyətdir.