realme GT Neo 7: 7000 mAh Batareya ilə Gələn "Canavar"

realme GT Neo 7 smartfonunun təqdimatına sayılı günlər qalıb! Orta və yüksək seqment üçün nəzərdə tutulan bu cihaz, özünün güclü texniki xüsusiyyətləri ilə diqqəti cəlb edəcək.

Rəsmi olaraq 11 Dekabr tarixində Çində satışa çıxarılacağı təsdiqlənən realme GT Neo 7-nin qlobal satış tarixi hələlik açıqlanmayıb. Şirkət reklam kampaniyasında əsasən cihazın 7000 mAh batareyasına diqqət çəkib, digər texniki detallar haqqında isə məlumat verməkdən çəkinib.

Ancaq sızan məlumatlara görə, realme GT Neo 7 AnTuTu testlərində 2.4 milyon bal toplayıb ki, bu da əvvəlki modelin 1.5 milyon balından xeyli yüksəkdir. Cihaz MediaTek Dimensity 9300+ prosessoru ilə təchiz olunub (4 nm texnologiyası ilə istehsal olunub). Bu prosessor 1x 3.4 GHz ARM Cortex-X4, 3x 2.85 GHz ARM Cortex-X4, 4x 2.0 GHz ARM Cortex-A720 nüvələri və Immortalis-G720 MC12 qrafik prosessorundan ibarətdir.

Bundan əlavə, smartfonun 1.5K həll qabiliyyətli düz ekranı və böyük ölçüləri gözlənilir. Müqayisə üçün, bu ayın əvvəlində satışa çıxarılan realme GT7 Pro-nun xüsusiyyətlərini nəzərdən keçirək: 6.78 düymlük Eco2 OLED Plus ekran, 6000 nit parlaqlıq, 50 MP əsas kamera (OIS ilə), 50 MP telefoto kamera, 8 MP geniş bucaqlı kamera, 16 MP ön kamera, 5800 mAh batareya, 120W sürətli şarj və IP68/69 suya və toza davamlılıq.

Sizcə, realme GT Neo 7 necə bir smartfon olacaq?