Realme Neo 7: 7000 mAh Batareya ilə Gələn Telefonun Qiyməti Açıqlandı!

Dekabrın 11-də satışa çıxacaq Realme Neo 7 modeli haqqında artıq çox şey məlumdur. Son məlumatlara görə, telefonun qiyməti də açıqlanıb. Sızdırılan məlumata görə, Realme Neo 7nin qiyməti təxminən 345 dollardır. Ancaq bunun başlanğıc qiyməti olub-olmaması hələ dəqiqləşdirilməyib.

Telefon 4nm arxitekturasına malik MediaTek Dimensity 9300+ prosessoru ilə təchiz olunacaq. Güclü prosessoru və Immortalis-G720 MC12 qrafik kartı ilə Neo 7, istənilən oyunu asanlıqla idarə edəcək.

Realme-nin son paylaşımına əsasən, Neo 7 toz və suya davamlılıq üçün IP69 və IP68 sertifikatlarına malikdir. Android 15 və Realme UI 6 ilə işləyən telefon, 6/8/12/16 GB RAM və 256/512 GB və 1 TB yaddaş variantları ilə təklif olunacaq. Ən əsası isə, 80 Vt sürətli şarjı dəstəkləyən nəhəng, 7000 mAh batareyaya sahibdir!

FCC verilənlər bazasında RMX5060 model nömrəsi ilə görünən cihazın ölçüləri 162.55 x 76.39 x 8.56 mm, çəkisi isə 213.4 qramdır. Telefon 144 Hz yeniləmə tezliyinə və 2780 x 1264 piksel çözünürlüyə sahib 6.78 düymlük AMOLED ekranla təchiz olunacaq.

Sizin fikrinizcə, bu model gözləntiləri doğruldacaqmı?