“Şahin Göz”ün İkinci Mövsümü Təhlükə Altında?

Marvel kainatının sevilən seriallarından biri olan “Şahin Göz”ün ikinci mövsümü ilə bağlı qeyri-müəyyənlik artmaqdadır. Baş rol ifaçısı Ceremi Rennerdən gələn son açıqlamalar serialın gələcəyi barədə suallar doğurub.

“Şahin Göz”ün yeni mövsümü ilə bağlı xoşagəlməz inkişaflar yaşanır. Marvel tərəfindən rəsmi bir açıqlama olmasa da, dediyimiz kimi, “dəhliz söhbətləri” serialın ikinci mövsümünün fərqli bir istiqamət alacağını göstərir. Renner, bir podkast proqramında Marvelin ona birinci mövsümün əvəzinin yarısını təklif etdiyini bildirib. Bu təklifi rədd etdiyini açıq şəkildə deyən Renner, serialın ikinci mövsümündə iştirak etməyəcəyini söyləyib.

Aktyorun ayrılması, planlaşdırılan davam mövsümünün tamamilə ləğv edilmə ehtimalını da ortaya qoyub. Lakin, qısa müddət sonra ortaya çıxan fərqli bir iddia isə Marvelin serialı tamamilə ləğv etmək əvəzinə baş qəhrəman dəyişikliyi barədə düşündüyünü ortaya qoydu.

2021-ci ildə ilk mövsümü yayımlanan “Şahin Göz”, Ceremi Rennerdən başqa, Heyli Steinfeldin canlandırdığı Keyt Bişop personajına da geniş yer ayırmışdı. İddialara görə, Marvel indi Rennerdən tamamilə imtina edərək hekayəni Bişop vasitəsilə formalaşdırmağa hazırlaşır. Heyli Steinfeldin canlandırdığı personajın Marvelin uzunmüddətli planlarında mühüm mövqedə olduğu bilinir. “Gənc Avencers” kimi layihələrdə fəal rol oynaması gözlənilən Keyt Bişop, xüsusilə gənc tamaşaçılar arasında populyarlıq qazanıb.

Bəs siz bu məsələ barədə nə düşünürsünüz?