Tramp AB-nin Apple-a münasibətini pislədi

Davos Dünya İqtisadi Forumunda ABŞ Prezidenti Donald Tramp Avropa Birliyini sərt tənqid edərək, AB-nin Apple və digər iri amerikan texnologiya şirkətlərinə qarşı qərarlarını “bir növ vergi” kimi qiymətləndirdi.

Çıxışında Tramp AB-nin texnologiya nəhənglərinə qarşı külli miqdarda cərimələrin ədalətsiz olduğunu, bu şirkətlərin amerikan şirkətləri olduğunu və belə tədbirlərə məruz qalmaması lazım olduğunu bildirdi. Tramp, “Onlar Appledən 15-16 milyard dollar aldılar, Google-dan milyardlarla dollar qazandılar. Facebook üçün də milyardlarla dollar hədəfləyirlər” deyərək, Avropa Birliyini bu cərimələrlə Amerikan iqtisadiyyatına zərər vurmaqda ittiham etdi.

Tramp məsələnin uzun müddətli hüquqi prosesdən qaynaqlandığını, bunun nəticəsində AB-nin Apple-ın İrlandiya ilə vergi sazişinin qanunsuz olduğunu müəyyən etdiyini və Apple-ın böyük məbləğdə geri vergi ödəməsini əmr etdiyini vurğuladı. AB-nin qərarı vergi qaydalarında texnologiya şirkətlərinin üstünlüklərini şübhə altına alan əhəmiyyətli bir nümunə kimi qəbul edilir.

Tramp yalnız texnologiya şirkətlərini müdafiə etməklə kifayətlənmədi, həmçinin AB-nin ümumi iqtisadi siyasətini də tənqid etdi. “AB bizimlə çox ədalətsiz davranır” dedi.

Bu vəziyyət Apple-ın beynəlxalq səviyyədə kommersiya strategiyasını necə formalaşdıracağı baxımından diqqətlə izləniləcək bir prosesdir.