Volkswagen Elektrikli Avtomobillərdə "ID" Brendindən İmtina Edəcək

Volkswagen, elektrikli avtomobillərindəki "ID" brendindən rəsmi olaraq imtina edir. Şirkət bu məhsul seqmentini sadələşdirmək üçün ənənəvi adlandırma sisteminə qayıtmaq qərarına gəlib. İlk dəyişikliklər 2026-cı ildən etibarən qüvvəyə minəcək. Volkswagen, ID seriyasına son verəcək. 2017-ci ildə təqdim olunan və 2019-cu ildə kütləvi istehsala başlayan ID.3 konsepsiyası ilə yaranan bu seriya ID.4, ID.5, ID.6 SUV, ID.7 Sedan və ID.Buzz kimi modellərlə genişləndi.

Şirkət rəhbəri Martin Sander verdiyi açıqlamada yeni nəsil elektrikli avtomobillərdə ənənəvi model adlarının istifadə olunacağını təsdiqləyib. Sander, istehsala başlanacaq ID.2all və ID. Every1 konsepsiyalarının bu adlarla satılmayacağını bildirib. Bu baxımdan, Volkswagen bəzi klassik model adlarını elektrikli avtomobillərdə canlandırmağı nəzərdən keçirir. Məsələn, 2026-cı ildə satışa çıxarılması planlaşdırılan ID.2-nin bu il 50 illiyin qeyd edən Polo adı ilə satışa çıxarılacağı iddia olunur. 2027-ci ildə təqdim edilməsi gözlənilən ID.1 üçün isə əvvəllər istifadə olunan Lupo, Fox və ya Up! adları gündəmdədir.

ID seriyasının 2026-cı ildən başlayaraq əsaslı bir yenilənmədən keçəcəyi deyilir. Bu dəyişiklik yeni adlandırma sistemi üçün əlverişli bir zəmin yarada bilər. Volkswagen, gələn illərdə tamamilə elektrikli Golf və T-Roc modellərini də təqdim etməyi planlaşdırır. Şirkətin məhsul strategiyası Passat və Tiguan kimi uzun müddətdir mövcud olan avtomobillərin də gələcəkdə elektrik versiyaları ilə yenidən ortaya çıxa biləcəyini göstərir.