Waymo və Toyota özünü idarə edən avtomobillər sahəsində əməkdaşlığa başlayır

Alphabet şirkətinin tərkib hissəsi olan Waymo və Toyota gələcək nəsil özünü idarə edən avtomobil texnologiyalarının inkişafı üçün strateji tərəfdaşlıq imzalayıblar. İki şirkət avtomobillərdə qabaqcıl sürücü köməkçi sistemlərinin və tam avtonom sürücülük texnologiyalarının inteqrasiyası üzərində işləyəcək.

Waymo-nun baş direktoru Tekedra Mawakana bu razılaşmanın avtonom həllərin sürətləndirilməsinə deyil, həmçinin gələcəkdə bəzi Toyota modellərinin Waymo-nun robot-taksi parkına qoşula biləcəyinə də işarə edib. Waymo əvvəllər Jaguar Land Rover, Daimler, Hyundai və Geely kimi istehsalçılarla oxşar layihələr üzərində əməkdaşlıq edib. Şirkət bu vaxta qədər əsasən kommersiya robot-taksi xidmətlərinə fokuslansa da, indi fərdi istifadə avtomobilləri üçün sistemlər üzərində çalışır.

Alphabet-in baş direktoru Sundar Piçay ötən həftə Waymo-nun uzunmüddətli biznes modelini yenidən qurduğunu və fərdi avtomobil sahibləri üçün həllərin əhəmiyyətli imkanlar təqdim etdiyini bildirib. Bu sektor dəyişikliyi General Motors-un Cruise şöbəsinin müvəqqəti dayandırılması və fərdi avtomobillər üçün avtonom sistemlərə üstünlük verilməsi ilə paralel gedir. Tesla da oxşar yolda hərəkət edir. Elon Musk iyun ayında Texasda "nəzarətsiz" sürücülük sisteminə malik tam avtonom robot-taksi xidmətini təqdim edəcəklərini açıqlayıb. Waymo-nun sürücüsüz robot-taksi xidməti hazırda San-Fransisko, Los Anceles, Finiks və Osten kimi böyük şəhərlərdə fəaliyyət göstərir.