Windows 10-dan imtina edənlər üçün Windows 11-in əsas üstünlükləri

Microsoft 2025-ci ildə Windows 10-un dəstəyini dayandıracağını elan etdikdən sonra istifadəçiləri Windows 11-ə keçməyə təşviq edir. Xüsusilə oyunçulara yönələn kampaniyada yeni əməliyyat sisteminin inkişaf etmiş xüsusiyyətləri nümayiş etdirilir. Windows 10 istifadəçilərinin əldən verdiyi xüsusiyyətlərə nəzər yetirək:

Oyunçular üçün yeni imkanlar: Windows 11, oyunçulara misilsiz bir təcrübə təqdim etməyə çalışır. Bunun üçün Auto HDR, DirectStorage, pəncərə rejimi optimallaşdırmaları, Wi-Fi 6E və Wi-Fi 7 dəstəyi, daha kompakt Oyun Panelinin interfeysi, Dinamik işıqlandırma, rəng filtrləri (rəng korluğu olan oyunçular üçün), ARM əsaslı kompüterlər üçün Avtomatik Super Çözünürlük, Xbox inteqrasiyası kimi yeniliklər təqdim olunub. SDR oyunlarını avtomatik olaraq HDR-ə çevirən Auto HDR və NVMe SSD-lərlə yüklənmə vaxtını azaldan DirectStorage xüsusilə diqqətəlayiqdir.

Texniki tələblər: Hər şeydən əvvəl, Windows 11-in TPM 2.0 və Secure Boot kimi ciddi hardware tələbləri olduğunu unutmaq olmaz. Bu, bir çox istifadəçinin yeni kompüter almağa məcbur qalacağı deməkdir. Microsoft köhnə hardware ilə uyğunluğu təmin etməyəcəyini açıq şəkildə bildirir və istifadəçiləri daha yeni sistemlərə keçməyə çağırır.

Super Çözünürlük və problemlər: Windows 11-in son yenilənməsi (24H2) bəzi oyunlarda problemlərə səbəb olub. Xüsusilə Ubisoft oyunlarında texniki nasazlıqlar bəzi istifadəçiləri tərəddüdə salıb. Microsoft, Windows 11-in üstünlüklərini izah etmək və yanlış təsəvvürləri aradan qaldırmaq üçün video və ətraflı məqalələr hazırlayıb.