Azərbaycanda elmin inkişafına dair strateji plan formalaşdırılmalıdır - AMEA vitse-prezidenti

Azərbaycanda elmin gələcək inkişafı üçün təcili olaraq strateji plan formalaşdırılmalıdır. Milli Elmlər Akademiyasının (AMEA) vitse-prezidenti, akademik Rasim Əliquliyev bu fikri dəyirmi masada səsləndirib.

Dəyirmi masa Prezident İlham Əliyevin AMEA-nın 80 illik yubileyindəki çıxışı ilə əlaqədar təşkil edilmişdi və "Sosial-siyasi elmlər, müasir çağırışlar fonunda: Beyin mərkəzləri, akademik elm və universitetlər" mövzusuna həsr olunmuşdu. Akademik Əliquliyev ölkə qarşısında dayanan ən böyük maneəni göstərib. Onun sözlərinə görə, qarşıda duran əsas problem gənclərin elmə maraqsız yanaşmasıdır.

Prezident İlham Əliyev AMEA-dakı çıxışında qeyd etdiyi kimi, Azərbaycanda elmin inkişafına dair vahid strateji yanaşma yaradılmalıdır. Bu gün ölkədə gənclər elmi araşdırmalara və tədqiqatlara kifayət qədər diqqət ayırmırlar. Bu vəziyyəti düzəltmək üçün gənclərin elm sahəsinə maraq göstərməməsinin səbəbləri ciddi şəkildə araşdırılmalıdır.

Rasim Əliquliyev bildirib ki, bu problemləri həll etmək lazımdır. Mütəxəssislər elmin müxtəlif sahələri üzrə bir araya gəlib müzakirələr aparmalıdır. Qarşıda duran ən vacib məsələ budur: elmi tədqiqatlara marağı artırmaq və strateji sənədi tərtib etmək.