Bu məhsullar insanda xərçəng riskini artırır

Nüfuzlu amerikalı diyetoloq Nikol Endryusun sözlərinə görə, insanlar tərəfindən çox istehlak edilən qidaların böyük əksəriyyəti xərçəng hüceyrələrinin yaranmasına və inkişafına birbaşa təsir etmir. O, sadəcə iki məhsul növünü istisna edib. Diyetoloq, məhz bu iki qida növünün onkoloji xəstəliklərin inkişafı riskini sübut olunmuş şəkildə artırdığını bildirir.

Endryus vurğulayıb ki, gündəlik rasionda tez-tez adı çəkilən şəkər, un məmulatları, bitki yağları və qida əlavələri kimi maddələr onkoloji xəstəliklərin yaranmasına təsir göstərmir. Xərçəng riskini həqiqətən artıran yeganə məhsullar kimi spirtli içkilər və emal olunmuş ət məhsulları göstərilib.

Diyetoloq emal olunmuş ət məhsullarının konkret olaraq nələr olduğunu izah edib. Bunlara hot-doqlar, ət delikatesləri, sosislər, bekon daxildir. Yəni, istifadəyə hazır olan və soyuducuda uzun müddət saxlanıla bilən bütün məhsullar bu kateqoriyaya düşür. Endryus xəbərdarlıq edir ki, bu məhsullardan hətta az miqdarda istifadə edilməsi belə, bağırsaq xərçəngi riskini yüksəldir.