DİN kibercinayətkarlıq halları ilə bağlı çağırış edib

Son dövrlər sosial şəbəkələrdə, messencerlərdə və SMS vasitəsilə yayılan saxta mesajlar yayılıb. Bu mesajlar “bonus”, “lotereya”, “mükafat qazandınız” kimi cəlbedici vədlərlə vətəndaşların bank kartı məlumatlarını ələ keçirməyə yönələn cəhdlərdir. Daxili İşlər Nazirliyi (DİN) bu hallar barədə vətəndaşlara müraciət edərək xəbərdarlıq edib. Nazirlik bildirir ki, bu cür kiberhücum cəhdləri geniş yayılıb və ictimaiyyət diqqətli olmalıdır.

DİN qəti şəkildə bildirir ki, heç bir bank, dövlət qurumu və ya rəsmi platforma vətəndaşlardan kartın PIN kodunu, CVV nömrəsini, kart üzərindəki 16 rəqəmi və ya SMS-lə göndərilən birdəfəlik şifrəni tələb etmir. Bu məlumatların kənar şəxslərlə paylaşılması, kart hesabınızda şəxsi vəsaitlərinizin həcmindən asılı olmayaraq, pulun oğurlanması ilə nəticələnə bilər. Şəxsi və bank məlumatları yalnız sizin nəzarətinizdə qalmalıdır.

Vətəndaşlara tövsiyə edilir ki, şübhəli linklərə daxil olmasınlar və sayt ünvanının orijinal olduğuna əmin olsunlar. “Pul köçürülməsi”, “hesabınız dondurulub” və ya “kartınız bloklanıb” kimi panika yaradan mesajlara inanmayın. Əgər bu cür kiber cinayətkarlıq halları ilə qarşılaşırsınızsa, dərhal 102 Zəng Mərkəzinə və eyni zamanda xidmət aldığınız banka məlumat verin.