Bakı Qızlar Universitetində Oğlanlar Oxuyurmu?

Bakı Qızlar Universitetinə oğlan tələbənin qəbulu ilə bağlı yayılan xəbərlər son günlərdə insanların diqqətini çəkib.

Hər kəs bu barədə fikirlərini söyləyir: kimisi bu barədə narazılıq bildirir, kimisi də bunu normal qarşılayır.

Ancaq Bakı Qızlar Universitetinin rəhbərliyi bildirir ki, uzun illər ərzində bu cür bir hal yalnız bir dəfə baş verib, o da səhvən.

Universitet öz fəaliyyətini qızların təhsil aldığı bir mərkəz kimi davam etdirir.

Hətta universitetlər arasında tələbə köçürülməsi zamanı da bu məsələyə xüsusi diqqət yetirilir.

Təhsil mütəxəssisləri də qeyd edirlər ki, qəbul imtahanları zamanı sistem oğlanların Bakı Qızlar Universitetinə qəbulunu avtomatik olaraq bloklayır.

Dövlət İmtahan Mərkəzindən də açıqlama verilib ki, Bakı Qızlar Universitetinin tələbələri yalnız qızlardır.