Burak Özçivit bunu ilk dəfə edəcək - Foto

Seriallar və bədii filmlərlə böyük pərəstişkar kütləsi toplayan məşhur aktyor Burak Özçivit, karyerasında ilk dəfə olaraq səhnəyə çıxmağa hazırlaşır. O, “İstanbulun ən gözəl qızı” adlı tək nəfərlik tamaşada iştirak edəcək. Bu layihə Özçivitin aktyorluq yolunda yeni bir mərhələ açır. Tamaşanın rejissoru Çağrı Şensoy, ssenari müəllifi isə Levent Tülekdir. Özçivit bu əsərdə avtomobil ustası olan "Oki" obrazını canlandıracaq. Tamaşa tamaşaçıları şəhər həyatının mürəkkəbliyi fonunda cərəyan edən dərin bir sevgi hekayəsinə aparacaq.

“İstanbulun ən gözəl qızı” əsəri Oktayın, yəni Okinin həyatından bəhs edir. Oki öz həyatını bu şəhərə, atasına və ürəyində daşıdığı ən qiymətli qadına həsr edib. Əsər şəhərin xaosunda çiçək açan saf sevgidən bəhs edir, eyni zamanda artan ehtiras və qısqanclıq kimi güclü emosiyaları göstərir. Bu tək nəfərlik performans sənətçinin pərəstişkarları üçün onu fərqli bir rakursdan görməyə imkan yaradır. Tamaşa böyük ehtimalla aktyorun səhnə fəaliyyətinə başlaması ilə bağlı ən çox müzakirə edilən hadisələrdən biri olacaq.