“Real Madrid” Osimen üçün hərəkətə keçdi

İspaniyanın böyük klublarından biri olan “Real Madrid” “Qalatasaray”ın nigeriyalı ulduzu Viktor Osimhenə elçi düşüb. Avropa nəhənginin qolçu futbolçunu öz heyətinə qatmaqda israrlı olduğu bildirilir.

Bu iddia İspaniyanın nüfuzlu “Fichajes” qəzeti tərəfindən yayılıb. Qəzetin məlumatına görə, “Real Madrid” Osimhenin transferini tamamlamaq üçün 100 milyon avrodan çox məbləğ ödəməyə hazırdır. Belə bir böyük məbləğ Madrid klubunun hücumçunu heyətinə qatmaq istəyində nə qədər ciddi olduğunu göstərir.

İspaniya KİV-i bildirir ki, “Kral klubu” “Qalatasaray”da parlayan ulduzu mövsümün sonunda transfer etməyi planlaşdırır. Lakin, qeyd edək ki, Osimhenin “Qalatasaray”la müqaviləsi 2029-cu ildə başa çatır. Bu, danışıqların asan olmayacağını göstərə bilər.