Futbol üzrə Avropa Çempionatının (“Avro-2020”) təqvimi açıqlanıb.
Gələn ilə planlaşdırılan çempionata Bakı, Sankt-Peterburq, London, Münxen, Roma, Buxarest, Dublin, Kopenhagen, Bilbao, Qlazqo, Budapeşt və Amsterdam şəhərləri ev sahibliyi edəcək.
Belə ki, “A” qrupunun İsveçrə-Uels, Türkiyə-Uels və Türkiyə-İsveçrə oyunları, həmçinin dörddəbir final mərhələsinin bir matçı Bakı Olimpiya Stadionunda baş tutacaq.
Bu gün qəbul olunmuş qərara əsasən, İsveçrə-Uels oyunu iyunun 12-də, Türkiyə-Uels qarşılaşması ayın 16-da, Türkiyə-İsveçrə matçı iyunun 20-də təşkil olunacaq.
Bundan başqa, Bakıda keçiriləcək dörddəbir final mərhələsinin bir görüşü iyulun 3-nə təyin olunub.
Qeyd edək ki, futbol üzrə Avropa Çempionatı gələn il iyun ayının 11-dən iyulun 11-dək keçiriləcək.
