Azadlıq prospektində avtobus zolağı niyə ləğv edildi?

Bakı, Azadlıq prospektində Məmməd Araz küçəsi ilə kəsişmədə avtobus zolağı ləğv edildi. Bu qərar sürücülər arasında çaşqınlıq yaradıb. Sürücülər sağ zolağı boş saxlayaraq yalnız sol zolaqlardan istifadə edirlər, bu da yolun buraxıcılıq qabiliyyətini azaldır və tıxaclara səbəb olur.

Azərbaycan Yerüstü Nəqliyyat Agentliyinin (AYNA) mətbuat katibi Tural Orucov bu dəyişikliyi təsdiqləyib. Onun sözlərinə görə, Azadlıq prospektində Məmməd Araz küçəsi ilə kəsişməyədək avtobus zolaqlarının 200 metrlik hissəsi ləğv edilib. Bununla da iki zolaq sola, iki zolaq isə düzünə hərəkət üçün ayrılıb.