BYD İnsanabənzər Robotlar Üzrə İşə Başlayır

Avtomobil istehsalı ilə tanınan və Tesla ilə rəqabət aparan Çin nəhəngi BYD, texnologiya aləmində diqqət çəkən bir addım atıb. Məlumatlara görə, şirkət süni intellekt əsaslı insanabənzər robotların istehsalına hazırlaşır. BYD-nin 15-ci biznes bölməsi altında robotların inkişafı üçün xüsusi bir komanda yaradılıb. 2003-cü ildə qurulan və 2019-cu ildə FinDreams Technology olaraq adlandırılan bu bölmə əvvəllər batareya, mühərrik və elektron sistemlərin inkişafı kimi vacib işlərlə məşğul idi. Lakin 2023-cü ildə yenidən 15-ci biznes bölməsi adlandırılan bu qurum insanabənzər robotlara yönəldi.

BYD-nin yeni komandası ikiayaqlı robotlar, dörd ayaqlı mexaniki itlər və insanabənzər robotlar üzərində işə başlayıb. İlk mərhələdə avtomatlaşdırma üçün nəzərdə tutulmuş avtonom idarə olunan nəqliyyat vasitələri (AGV) inkişaf etdiriləcək. Bu sahə süni intellekt texnologiyaları ilə inteqrasiya olunub. Bu yeni texnologiya sahəsində istedadlı tədqiqatçıları işə cəlb etmək üçün BYD dünyanın müxtəlif universitetlərindən məzunlar üçün xüsusi vakansiyalar açıb. Gözlənildiyi kimi, şirkət əla maaş da təklif edir.

Əslində, robototexnikaya maraq göstərən yeganə avtomobil şirkəti BYD deyil. Çində yerləşən Xpeng şirkəti də 2023-cü ilin noyabrında boyu 178 sm, çəkisi 70 kq olan "Dəmir" adlı insanabənzər robotu təqdim edib.