Microsoft Gaming Copilot: Oyunçuların Məlumatlarını Necə Toplayır və Bunu Necə Söndürmək Olar

Microsoft oyunçular üçün hazırladığı yeni süni intellekt köməkçisi – Microsoft Gaming Copilot üçün məlumat yığmağa başlayıb. Bu sistem avtomatik olaraq Windows 11 əməliyyat sisteminə qurulur və siz oyun oynayan zaman skrinşotlar, həmçinin oyun prosesi ilə bağlı mətn və məlumatları standat olaraq toplayır. Bu yeni Sİ köməkçisi oyun daxilində oyunçulara dəstək olmaq məqsədi daşıyır. Şirkət bu məlumatları analiz edərək Copilot-un daha yaxşı bir köməkçi olmasını hədəfləyir. Lakin Microsoft Gaming Copilot-un tətbiq edilməsi istifadəçilərin məxfiliyi ilə bağlı ciddi narahatlıqlar yaradır, çünki bu yığım xüsusiyyəti avtomatik aktivdir.

Bu yeniliyin ən çox müzakirə doğuran tərəfi ondan ibarətdir ki, məlumat toplama xüsusiyyəti "könüllü imtina" prinsipi ilə işləyir. Yəni, əgər Copilot-un sizi izləməsini istəmirsinizsə, tənzimləmələrə daxil olub funksiyanı əl ilə söndürməlisiniz. Bir çox istifadəçi, məxfilik parametrlərinin başlanğıcda qeyri-aktiv olmasını və istifadəçinin özünün aktivləşdirməsini daha doğru hesab edir. Əks halda, sistemə təlim keçmək üçün oyunçuların oyun zamanı etdiyi hərəkətlər və yazdıqları mətnlər fasiləsiz analiz edilir. Bu o deməkdir ki, bilmədən şəxsi məlumatların və oyun strategiyalarının kənar tərəflə öyrənilməsi riski mövcuddur.

Xoşbəxtlikdən, bu genişmiqyaslı məlumat yığımını dayandırmaq mümkündür. Məxfilik qaydalarına xüsusi önəm verən oyunçular bu tənzimləməni mütləq yoxlamalıdırlar. İstifadəçilər bunu etmək üçün Oyun Panelində (Game Bar) yerləşən Məxfilik Tənzimləmələri (Privacy Settings) menyusuna daxil ola bilərlər. Orada "Mətn üzərində model təlimi" (Model training on text) seçimini deaktiv etməklə Copilot-un avtomatik məlumat toplaması dayandırılır. Bu addım, şəxsi məlumatlarınızın qorunması üçün zəruridir, çünki Windows 11-də bu xüsusiyyət defolt olaraq aktiv edilmişdir.